வேன்மோதி மூதாட்டி பலி

தாயில்பட்டி,

வெம்பக்கோட்டை ஒன்றியம் சிவசங்குபட்டியை சேர்ந்தவர் சீனியம்மாள் (வயது 90). இவர் தனது வீட்டிலிருந்து சாலையை கடக்க முயன்றார். அப்போது அந்த வழியாக சென்ற சோலைபட்டி பகுதி சேர்ந்த ராமகிருஷ்ணன் (45) ஓட்டி வந்த சரக்குவேன் எதிர்பாராத விதமாக சீனியம்மாள் மீது மோதியதில் நிலை தடுமாறி கீழே விழுந்தார். அவரை மீட்டு கோவில்பட்டி அரசு ஆஸ்பத்திரிக்கு சிகிச்சைக்காக கொண்டு சென்றார். ஆனால் கொண்டு செல்லும் வழியில் சீனியம்மாள் இறந்தார். இதுகுறித்து ஏழாயிரம் பண்ணை போலீசார் வழக்கு பதிவு செய்து வேன் டிரைவர் ராமகிருஷ்ணனை கைது செய்தனர்.