தம்பதியை தேடி வெள்ளகோவில் வந்த டெல்லி போலீசார்

தொழில் அதிபரிடம் ரூ.1 ேகாடி மோசடி செய்ததாக அளிக்கப்பட்ட புகாரின் பேரில் தம்பதியை கைது செய்ய டெல்லி போலீசார் வெள்ளகோவில் வந்தனர். ஆனால் வீட்டில் தம்பதி இல்லாததால் கதவில் நோட்டீைச ஒட்டி விட்டு சென்றனர்.

இது குறித்து போலீஸ் தரப்பில் கூறப்படுவதாவது:-

ரூ.1 கோடி ேமாசடி புகார்

திருப்பூர் மாவட்டம் வெள்ளகோவில் காமராஜபுரம் பகுதியைச் சேர்ந்தவர் சரவணன் (வயது 45). இவரது மனைவி திலகவதி. இவர்கள் 2 பேரும் கடந்த 2015-ம் ஆண்டு முதல் டெல்லி காந்திநகர் பகுதியை சேர்ந்த தொழில்அதிபர் புருஷோத்தன் ஷர்மா என்பவருடன் ஜவுளி வியாபாரம் செய்து வந்தனர். இதில் அவர்கள் இடையே கொடுக்கல்-வாங்கல் இருந்து வந்தது.

இந்த நிலையில் சரவணன் கடந்த 2019-ம் ஆண்டு நவம்பர் 25-ந் தேதியிட்ட வெள்ளகோவில் தனியார் வங்கியின் ரூ.30 லட்சம் காசோலையை புருஷோத்தமன் ஷர்மாவுக்கு கொடுத்ததாக கூறப்படுகிறது.

அந்த காசோலையை வங்கியில் செலுத்தியபோது, கணக்கில் போதிய பணம் இல்லை என்று காசோலை திரும்பிவிட்டதாகவும், அந்த வகையில் ரூ.1 கோடியே 5 லட்சத்து 85 ஆயிரத்து 769-ஐ கொடுக்காமல் மோசடி செய்து விட்டதாக புருஷோத்தமன் ஷர்மா கடந்த ஆண்டு ஜூலை மாதம் 31-ந் தேதி டெல்லி காந்திநகர் போலீசில் புகார் செய்தார். புகாரின் பேரில் காந்திநகர் போலீசார் சரவணன், திலகவதி மீது மோசடி வழக்குப்பதிவு செய்து விசாரித்து வந்தனர்.

நோட்டீசு ஒட்டினர்

இந்த நிலையில் டெல்லி காந்திநகர் போலீசார் 3 பேர் மற்றும் புகார்தாரரான புருஷோத்தமன் ஷர்மா ஆகியோர் சரவணன்-திலகவதி தம்பதியை கைது செய்ய டெல்லியில் இருந்து நேற்று வெள்ளகோவில் வந்தனர். ஆனால் வீட்டில் அவர்கள் இல்லை. வீடு பூட்டப்பட்டு கிடந்தது.

இதையடுத்து டெல்லி போலீசார் வீட்டின் கதவில் நோட்டீசை ஒட்டி விட்டுசென்றனர்.