மாற்றுத்திறனாளிகளுக்கு நலத்திட்ட உதவி

சீர்காழி:

சீர்காழி தென்பாதியிலுள்ள உதவி கலெக்டர் அலுவலக வளாகத்தில் மாற்றுத்திறனாளிகளுக்கு நலத்திட்ட உதவிகள் வழங்கும் நிகழ்ச்சி மற்றும் குறைதீர்க்கும் கூட்டம் நடைபெற்றது. கூட்டத்திற்கு உதவி கலெக்டர் அர்ச்சனா தலைமை தாங்கினார். அரசு டாக்டர் அருண்ராஜ்குமார், தாசில்தார்கள் சண்முகம், புனிதா ஆகியோர் முன்னிலை வகித்தனர். மாவட்ட மாற்றுத்திறனாளி நல அலுவலர் பரத்குமார் வரவேற்றார். கூட்டத்தில் 7 மாற்றுத்திறனாளிகளுக்கு தையல் எந்திரமும், 5 மாற்றுத்திறனாளிகளுக்கு ஊன்றுகோல், 3 மாற்றுத்திறனாளிகளுக்கு காது கருவி உள்ளிட்டவைகளை உதவி கலெக்டர் அர்ச்சனா வழங்கினார். மேலும் மாற்றுத்திறனாளிகளிடம் கோரிக்கை மனுக்களை பெற்றுக்கொண்டு, இந்த மனுக்கள் மீது உடனடியாக நடவடிக்கை எடுக்கப்படும் என தெரிவித்தார். இதில் சமூக நலத்துறை தாசில்தார்கள் சபிதா, இந்துமதி, சாந்தி உள்பட பலர் கலந்து கொண்டனர்.