என்.எல்.சி-யை தமிழ்நாடு அரசு எதிர்க்காதது ஏன்? அன்புமணி கேள்வி

கடலூர்,

கடலூர் மாவட்டம் நெய்வேலியில் என்எல்சி நிறுவனம் நிலம் கையகப்படுத்தும் பணிக்கு எதிர்ப்பு தெரிவித்து பாமக தலைவர் அன்புமணி ராமதாஸ் தலைமையில் இன்று முற்றுகை போராட்டம் நடைபெற்றது. என்எல்சி நிறுவனத்தின் பிரதான நுழைவாயில் முன்பு பாமக கட்சியினர் மற்றும் விவசாயிகள் போராட்டத்தில் ஈடுபட்டனர்.

இந்த நிலையில், என்.எல்.சி. நிறுவனத்திற்கு எதிராக முற்றுகை போராட்டத்தில் ஈடுபட்ட பாமக தலைவர் அன்புமணி ராமதாஸை போலீசார் கைது செய்தனர். மேலும் முற்றுகை போராட்டத்தில் ஈடுபட்ட பாமகவினர் உள்ளிட்டோரை கைது செய்து காவல்துறை வாகனத்தில் ஏற்றினர். அன்புமணி ராமதாஸ் கைதை கண்டித்து பாமகவினர் காவல்துறை வாகனத்தை அடித்து நொறுக்கினர்.

போலீசார் வாகனம் மீது தாக்குதல் நடத்தப்பட்டதையடுத்து போராட்டக்காரர்களை கட்டுப்படுத்த போலீசார் வானத்தை நோக்கி துப்பாக்கிச்சூடு நடத்தினர். மேலும் தண்ணீர் பீய்ச்சியும் காவல்துறையினர் கலவரக்காரர்களை கலைத்தனர். இந்த சம்பவம் கடலூரில் பெரும் பரபரப்பை ஏற்படுத்தியுள்ளது.

கைது செய்யப்பட்ட நிலையில், காவல்துறையினரால் தான் நிலைமை மாறியது என அன்புமணி ராமதாஸ் தெரிவித்துள்ளார்.

இது குறித்து அவர் கூறியதாவது ,

விளைநிலங்களை பொக்லைன் வைத்து அழிப்பதை பார்த்த என்னால் தூங்க முடியவில்லை. அமைதியாக நடந்த போராட்டத்தில் காவல்துறையினரால் தான் நிலைமை மாறியது .காவல்துறையினர் திடீரென பாமகவினர் மீது தாக்குதல் நடத்தினர். என்.எல்.சி-யை தமிழ்நாடு அரசு எதிர்க்காதது ஏன்? . நிலம் கையகப்படுத்துவதை உடனடியாக நிறுத்துங்கள் . என தெரிவித்துள்ளார்.