கூத்தாநல்லூர் பகுதியில் பரவலாக மழை

கூத்தாநல்லூர்:

வடகிழக்கு பருவ மழை காரணமாக கூத்தாநல்லூர் பகுதியில் கடந்த சில நாட்களாக இரவு, பகலாக பலத்த மழை பெய்தது. இதனால், சம்பா, தாளடி பயிர்கள் தண்ணீரில் மூழ்கியது. தாழ்வான பகுதிகளிலும், வயல்களிலும், சாலைகளிலும், வீடுகள் உள்ள இடங்களிலும் மழை தண்ணீர் தேங்கி நின்றது ‌.இந்நிலையில் நேற்று காலை கூத்தாநல்லூர், வடபாதிமங்கலம், பொதக்குடி, வக்ராநல்லூர், கோரையாறு, லெட்சுமாங்குடி, ராமநாதபுரம், குலமாணிக்கம், புள்ளமங்கலம், வெள்ளக்குடி, விழல்கோட்டகம், பூந்தாழங்குடி, கார்நாதன்கோவில், ஓகைப்பேரையூர் மற்றும் அதனை சுற்றியுள்ள பகுதிகளில் பரவலாக மழை பெய்தது. இதனையடுத்து வானம் மேகமூட்டத்துடன் காணப்பட்டது.