பெரியார் பஸ் நிலையத்தில் திருடிய பெண் கைது

மதுரை மாவட்டம் செக்கானூரணி புளியங்குளம் பகுதியை சேர்ந்தவர் பிரேமலதா (வயது 32). இவர் ஊருக்கு செல்வதற்காக மதுரை பெரியார் பஸ் நிலையத்தில் பஸ்சுக்காக காத்திருந்தார். அப்போது அவருடைய மணிபர்சை ஒரு பெண் திருடியதை கண்டு பிடித்தார். உடனே அந்த பெண்ணை அருகில் இருந்தவர்கள் உதவியுடன் பிடித்து திடீர்நகர் போலீசில் ஒப்படைத்தார். போலீசார் விசாரணையில் திருமங்கலம், பிள்ளையார் கோவில் தெருவை சேர்ந்த காந்திலட்சுமி (28) என்பது தெரியவந்தது. பின்னர் போலீசார் வழக்குப்பதிவு செய்து அவரை கைது செய்தனர்.