துணிக்கடையில் சேலை திருடிய பெண் கைது

நெல்லை பேட்டையை சேர்ந்தவர் முகமது அப்துல்லா (வயது 58). இவர் நெல்லை டவுனில் துணிக்கடை நடத்தி வருகிறார். இவரது கடைக்கு சம்பவத்தன்று ஒரு பெண் துணி எடுக்க வந்தார். அப்போது அந்த பெண் 3 சேலைகளை திருடியதாக கூறப்படுகிறது.

இதனையடுத்து கடை ஊழியர்கள் அவரை பிடித்து நெல்லை டவுன் போலீசில் ஒப்படைத்தனர். போலீசார் விசாரணையில், அவர் வேணுவனகுமாரத் தெருவை சேர்ந்த சொக்கலிங்கம் மனைவி வேலம்மாள் (55) என்பது தெரியவந்தது.

இதையடுத்து போலீசார் அவர் மீது வழக்குப்பதிந்து கைது செய்தனர். அவரிடம் இருந்து சேலைகள் பறிமுதல் செய்யப்பட்டன.