கலசபாக்கம் அருகே மோட்டார்சைக்கிள் மீது கார் மோதி பெண் பலி

கலசபாக்கம்

கலசபாக்கம் அருகே மோட்டார்சைக்கிள் மீது கார் மோதியதில பெண் பலியானார்.

கலசபாக்கத்தை அடுத்த பில்லூர் கிராமத்தைச் சேர்ந்தவர் அசோக் இவருடைய மனைவி கண்ணம்மா (வயது 32) மல்லவாடியில் உள்ள அவரது தாய் வீட்டிற்கு செல்வரசு என்பருடன் மோட்டார் சைக்கிளில் சென்று கொண்டிருந்தார்.

நாயுடு மங்கலம் கூட்ரோடு அருகே சென்றபோது பின்னால் வந்த கார் திடீரென மோட்டார்சைக்கிள் மீது மோதியது. இதில் கண்ணம்மாவிற்கு தலையில் படுகாயம் ஏற்பட்டு கலசபாக்கம் மருத்துவமனையில் சேர்க்கப்பட்டார். அங்கு அவர் சிகிச்சை பலனின்றி இறந்து விட்டார். இறந்த கண்ணம்மாவுக்கு 3 குழந்தைகள் உள்ளனர்.

இது சம்பந்தமாக கலசபாக்கம் போலீசார் வழக்குப்பதிவு செய்து விசாரணை செய்து வருகின்றனர்.