கொரோனா தொற்றுக்கு பெண் பலி

பேரணாம்பட்டு டவுன் ராமன் வீதியை சேர்ந்தவர் குமார். இவரது மனைவி பிரேமா (வயது 65). இவர் உடல் நலம் பாதிக்கப்பட்டு வேலூர் குறிஞ்சி நகரில் தனது மகள் வீட்டில் தங்கி சிகிச்சை பெற்று வந்தார். இந்தநிலையில் கடந்த 4-ந் தேதி பிரேமாவிற்கு மீண்டும் உடல் நலம் பாதிக்கப்பட்டதால் வேலூரில் உள்ள தனியார் மருத்துவ மனையில் அனுமதிக்கப்பட்டார். அங்கு அவருக்கு கொரோனா தொற்று இருப்பது கண்டறியப்பட்டது.

இந்த நிலையில் அவர் சிகிச்சை பலனின்றி நேற்று இறந்தார். இரவு 9.30 மணியளவில் அவரது உடலை பேரணாம்பட்டில் அரசு வழிகாட்டுதல் நெறிமுறை படி பாதுகாப்பாக பொது சுகாதாரம், நகராட்சி, வருவாய்த் துறை ஊழியர்கள் அடக்கம் செய்தனர்.