மோட்டார் சைக்கிள் சக்கரத்தில் சேலை சிக்கியதால் தவறி விழுந்த பெண் பலி

மணப்பாறை சிதம்பரத்தான்பட்டியை சேர்ந்தவர் ஜான் பீட்டர். இவரது மனைவி அனிதா மேரி (வயது 33). சம்பவத்தன்று தம்பதி இருவரும் மோட்டார் சைக்கிளில் வையம்பட்டியை அடுத்த லெச்சம்பட்டி பிரிவு சாலையில் உள்ள ஓட்டல் அருகே சென்று கொண்டிருந்தனர்.

அப்போது, மோட்டார் சைக்கிள் சக்கரத்தில் சேலை சிக்கியதால் அனிதா மேரி கீழே விழுந்தார். இதில் பலத்த காயம் அடைந்த அவரை அக்கம்பக்கத்தினர் மீட்டு சிகிச்சைக்காக திருச்சியில் உள்ளதனியார் மருத்துவமனையில் சேர்த்தனர். அங்கு அவர் சிகிச்சை பலன் இன்றி இறந்தார். இது குறித்த புகாரின் பேரில் வையம்பட்டி போலீசார் வழக்குப்பதிவு செய்து விசாரணை நடத்தி வருகின்றனர்.