கால்வாயில் தவறி விழுந்து பெண் சாவு

சேரன்மாதேவி:

வீரவநல்லூர் தெற்கு ரத வீதியை சேர்ந்த ராதாகிருஷ்ணன் மனைவி ராமலட்சுமி (வயது 62). இவர் நேற்று வீரவநல்லூர் பாரதியார் அரசு மேல்நிலைப்பள்ளி அருகே உள்ள கால்வாய் படித்துறையில் குளித்துக் கொண்டிருந்தார். அப்போது அவர் தவறி விழுந்ததாக கூறப்படுகிறது. இதில் மூச்சு திணறி ராமலட்சுமி பரிதாபமாக இறந்தார்.

இதுகுறித்து தகவலறிந்த வீரவநல்லூர் போலீசார் அவரது உடலை கைப்பற்றி நெல்லை அரசு மருத்துவமனைக்கு பிரேத பரிசோதனைக்காக அனுப்பி வைத்தனர். மேலும் இதுகுறித்து வீரவநல்லூர் போலீசார் வழக்குப்பதிவு செய்து விசாரணை மேற்கொண்டு வருகின்றனர்.