மின்சாரம் தாக்கி பெண் பலி

மேலூர்

மேலூர் அருகே கீழவளவு போலீஸ் சரகம் உரங்கான்பட்டியை சேர்ந்தவர் கருப்பையா. இவரது மனைவி திருமதி (வயது42). இவர்களுக்கு சொந்தமான வயல் குறிச்சிப்பட்டியில் உள்ளது. சம்பவத்தன்று திருமதி, வயலிலுக்கு மோட்டார் மூலம் தண்ணீர் பாய்ச்சும் போது எதிர்பாராதவிதமாக மின்சாரம் தாக்கியதில் அவர் பரிதாபமாக இறந்தார். இதுகுறித்து தகவலறிந்த கீழவளவு போலீசார் திருமதியின் உடலை பரிசோதனைக்காக மேலூர் அரசு ஆஸ்பத்திரிக்கு அனுப்பி வைத்து, விசாரணை நடத்தி வருகின்றனர்.