கார் மோதி பெண் பலி

விராலிமலை அய்யப்பா நகரை சேர்ந்தவர் பழனிச்சாமி மனைவி பிச்சையம்மாள் (வயது 46). இவர் நேற்று மாதிரிப்பட்டி அருகே சாலையின் ஓரத்தில் நின்று ஆடுமேய்த்து கொண்டிருந்தார். அப்போது மதுரையில் இருந்து திருச்சி நோக்கி சென்ற கார் எதிர்பாராதவிதமாக பிச்சையம்மாள் மீது மோதியது. இதில் படுகாயமடைந்த பிச்சையம்மாள் சம்பவ இடத்திலேயே உயிரிழந்தார். இதுகுறித்து தகவல் அறிந்த விராலிமலை போலீசார் சம்பவ இடத்திற்கு விரைந்து வந்து பிச்சையம்மாள் உடலை கைப்பற்றி பிரேத பரிசோதனைக்காக மணப்பாறை அரசு மருத்துவமனைக்கு அனுப்பி வைத்தனர். இதுகுறித்து போலீசார் கார் டிரைவரான சென்னையை சேர்ந்த பிரகாஷ் (40) என்பவர் மீது வழக்குப்பதிவு செய்து விசாரணை நடத்தி வருகின்றனர்.