2 குழந்தைகளுடன் பெண் மாயம்

ஓசூர்,

ஓசூர் திகலர்பேட்டையை சேர்ந்தவர் சுவாமிநாதன். இவரது மனைவி ஷில்பா (வயது32). இவர்களுக்கு ஜேஸ்வித் (7) என்ற மகனும், பூஜிதா (10) என்ற மகளும் உள்ளனர். இந்த நிலையில், கணவன்-மனைவிக்கு இடையே அடிக்கடி குடும்ப தகராறு ஏற்பட்டு வந்ததாக தெரிகிறது. சம்பவத்தன்று ஏற்பட்ட தகராறு காரணமாக ஷில்பா 2 குழந்தைகளுடன் கடந்த 31-ந்தேதி வீட்டை விட்டு வெளியே சென்றவர் மீண்டும் வீடு திரும்பவில்லை. இதையடுத்து குடும்பத்தினர் அவர்களை பல்வேறு இடங்களில் தேடியும் கிடைக்கவில்லை. இதுகுறித்து ஓசூர் டவுன் போலீசில், ஷில்பாவின் தாயார் பத்மா புகார் செய்தார். அதன் பேரில், போலீசார் வழக்குபதிவு செய்து விசாரணை நடத்தி வருகின்றனர்.