கும்பாபிஷேக விழாவில் பெண்களிடம் 18 பவுன் நகை பறிப்பு

முதுகுளத்தூர்

முதுகுளத்தூர் அருகே உள்ள கீழசாக்குளம் கிராமத்தில் நேற்று தர்ம முனீஸ்வரர் கருப்பணசாமி கோவிலில் கும்பாபிஷேக விழா நடைபெற்றது. இதில் போஸ் மனைவி குருவம்மாள்(வயது 60) என்பவரிடம் 11 பவுன் தங்க சங்கலி, மணிமுத்து மனைவி பாரதி(30) என்பவரிடம் 1¼ பவுன் நகை, பூச்சி மனைவி பாண்டியம்மானிடம் 2 பவுன் சங்கிலியை மர்மநபர்கள் பறித்து சென்று விட்டனர். மேலும் பரமக்குடி மரக்கையார் பட்டினத்தை சேர்ந்த கருப்பையா மனைவி காளிமுத்துவிடம் 3½ பவுன் தங்கச்சங்கிலி என மொத்தம் 18 பவுன் நகையை பறித்து சென்று விட்டனர். இதுகுறித்த புகாரின்பேரில் முதுகுளத்தூர் போலீசார் வழக்கு பதிவு செய்து விசாரணை நடத்தி வருகின்றனர்.