மகளிர் சுய உதவி குழு தலைவி கடத்தலா? போலீசார் விசாரணை

விராலிமலை தாலுகா கோமங்கலம் கிராமத்தை சேர்ந்தவர் பெருமாள் (வயது 78). இவரது தம்பியின் மகள் சத்யா (31). இவர் கோமங்கலத்தில் உள்ள மாரியம்மன் சுய உதவி குழுவில் தலைவியாக உள்ளார். இந்நிலையில் சம்பவத்தன்று சத்யா கோவிலுக்கு சென்று வருவதாக வீட்டில் இருந்தவர்களிடம் கூறிவிட்டு சென்றவர் நீண்ட நேரமாகியும் வீடு திரும்பவில்லை. இதனால் அதிர்ச்சியடைந்த அவரது குடும்பத்தினர் அக்கம் பக்கம் மற்றும் உறவினர்கள் வீடுகளில் தேடி பார்த்தும் அவர் கிடைக்கவில்லை. இதுகுறித்து பெருமாள் விராலிமலை போலீஸ் நிலையத்தில் புகார் அளித்தார். அதன் பேரில் போலீசார் வழக்குப்பதிவு செய்து மகளிர் சுய உதவி குழு தலைவி சத்யாவை யாரும் கடத்தி சென்றனரா? என்பது உள்பட பல்வேறு கோணங்களில் விசாரணை நடத்தி வருகின்றனர்.