விஷம் குடித்து தொழிலாளி தற்கொலை

ராஜபாளையம்

ராஜபாளையம் சின்னசுரைக்காய்பட்டி தெருவை சேர்ந்தவர் முருகேசன் (வயது 60). சுமைதூக்கும் தொழிலாளி. சில தினங்களுக்கு முன்பு இவரது அண்ணன் மகன் இறந்ததால் மன வேதனையில் இருந்துள்ளார். இந்தநிலையில் இவர் திடீரென பூச்சி மருந்தை எடுத்து குடித்துள்ளார். உடனே இவரை உறவினர்கள் மீட்டு ராஜபாளையம் அரசு மருத்துவமனைக்கு சிகிச்சைக்காக கொண்டு சென்றனர். பின்னர் அவரை மேல் சிகிச்சைக்காக பாளையங்கோட்டை அரசு மருத்துவமனைக்கு கொண்டு சென்றனர். அங்கு சிகிச்சை பலனின்றி பரிதாபமாக இறந்தார். இதுகுறித்து தெற்கு போலீசார் வழக்குப்பதிவு செய்து விசாரணை நடத்தி வருகின்றனர்.