மதுவில் விஷம் கலந்து குடித்து தொழிலாளி தற்கொலை

கீரனூர்:

கீரனூர் அருகே ஆயக்குடிவயல் கிராமத்தை சேர்ந்தவர் நடராஜன் (வயது 46). கூலித்தொழிலாளி. இவரது மனைவி கலைச்செல்வி. இவர் எந்த வேலைக்கும் செல்லாமல் தினமும் மது குடித்துவிட்டு வந்து அவரது மனைவியிடம் தகராறு செய்து வந்ததாக கூறப்படுகிறது. இதனால் கலைச்செல்வி, நடராஜனை திட்டியுள்ளார். இதனால் மனமுடைந்த நடராஜன் மதுவில் விஷம் கலந்து குடித்து வீட்டில் மயங்கி கிடந்தார். இதையடுத்து அவரை அவரது உறவினர்கள் மீட்டு சிகிச்சைக்காக புதுக்கோட்டை அரசு மருத்துவமனைக்கு அனுப்பி வைத்தனர். அங்கு சிகிச்சை பலனின்றி நடராஜன் பரிதாபமாக இறந்தார். இதுகுறித்து கீரனூர் போலீசார் வழக்குப்பதிவு செய்து விசாரணை நடத்தி வருகின்றனர்.