வேப்பனப்பள்ளி அருகே மின்சாரம் தாக்கி தொழிலாளி சாவு

வேப்பனப்பள்ளி

வேப்பனப்பள்ளி அருகே உள்ள கதிரிப்பள்ளியை சேர்ந்தவர் ராஜப்பா (வயது 48). கூலித்தொழிலாளி. இவர் அந்த பகுதியில் உள்ள கால்நடை பண்ணை ஒன்றில் ெதாழிலாளியாக வேலை செய்து வந்தார். நேற்று முன்தினம் பண்ணையில் இலைகளை எந்திரத்தில் அறுத்து கொண்டிருந்தார். அப்போது எதிர்பாராதவிதமாக ராஜப்பாவை மின்சாரம் தாக்கியது. இதில் தூக்கி வீசப்பட்ட அவர் சம்பவ இடத்திலேயே பரிதாபமாக இறந்தார். இது குறித்து தகவல் அறிந்ததும் வேப்பனப்பள்ளி போலீசார் சம்பவ இடத்திற்கு சென்று அவரது உடலை கைப்பற்றி பிரேத பரிசோதனைக்காக கிருஷ்ணகிரி அரசு ஆஸ்பத்திரிக்கு அனுப்பி வைத்தனர். இதுதொடர்பாக போலீசார் வழக்குப்பதிவு செய்து விசாரணை நடத்தி வருகிறார்கள்.