மோட்டார் சைக்கிளில் இருந்து விழுந்து தொழிலாளி பலி

தூசி

திருவண்ணாமலை மாவட்டம் வெம்பாக்கம் தாலுகா தூசி அருகே உள்ள திருப்பனமூர் கிராமத்தைச் சேர்ந்தவர் சுரேஷ் (வயது 40). கூலித்தொழிலாளி.

இவர் வெம்பாக்கம் கிராமத்திற்கு மோட்டார்சைக்கிளில் சென்றார். திருப்பனமூர் காலனி சுடுகாடு அருகில் குண்டும் குழியுமான சாலையில் சென்றபோது நிலை தடுமாறி கீழே விழுந்தார்.

இதில் தலையில் படுகாயமடைந்த அவரை மீட்டு வெம்பாக்கம் அரசு மருத்துவமனைக்கு கொண்டு சென்றனர்.

அங்கிருந்து காஞ்சீபுரம் அரசு மருத்துவமனைக்கும், பின்னர் சென்னை ராஜீவ் காந்தி அரசு மருத்துவமனைக்கு அனுப்பி வைக்கப்பட்டார்.

இந்த நிலையில் அவர்இன்று காலை சிகிச்சை பலனின்றி இறந்தார்.

இதுகுறித்து அவரது உறவினர் பாஸ்கரன் கொடுத்த புகாரின்பேரில் தூசி போலீஸ் சப்- இன்ஸ்பெக்டர் சுரேஷ்பாபு வழக்குப் பதிவு செய்து விசாரணை நடத்தி வருகிறார்.