குளத்தில் மூழ்கி தொழிலாளி பலி

சீர்காழி:

சீர்காழி அருகே நத்தம் தெற்கு தெருவை சேர்ந்தவர் சந்திரசேகரன் (வயது 52). தொழிலாளி. இவர் நேற்று அதே பகுதியில் உள்ள ஒரு குளத்தில் குளிக்க சென்றுள்ளார். மீண்டும் அவர் வீடு திரும்பி வரவில்லை. இதுகுறித்து வைத்தீஸ்வரன் கோவில் போலீசாருக்கு தகவல் தெரிவித்தனர். அதன்பேரில் சம்பவ இடத்துக்கு வந்த போலீசார், தீயணைப்பு வீரர்களுடன் உதவியோடு குளத்தில் இறங்கி நீண்ட நேரம் தேடி சந்திரசேகரன் உடலை மீட்டனர். பின்னர் உடலை பிரேத பரிசோதனைக்காக மயிலாடுதுறை அரசு ஆஸ்பத்திரிக்குஞ அனுப்பி வைத்தனர். மேலும் இதுதொடர்பாக போலீசார் வழக்குப்பதிவு செய்து சந்திரசேகரன் குளிக்க சென்ற போது குளத்தில் மூழ்கி உயிர் இறந்தாரா? என விசாரணை நடத்தி வருகின்றனர்.