மின்சாரம் தாக்கி தொழிலாளி பலி

வத்திராயிருப்பு

வத்திராயிருப்பு அருகே உள்ள கூமாபட்டி ராமசாமிபுரத்தைச் சேர்ந்தவர் ரவீந்திரன் (வயது 43). இவர் தனது பழைய வீடு அருகே புதிதாக வீடு கட்டி வருகிறார். இந்நிலையில் புதிய வீட்டுக்கு தனது பழைய வீட்டிலிருந்து வயர் எடுத்துச் சென்று லைட் போட்டுவிட்டு அதனை ஆப் பண்ணுவதற்காக புதிய வீட்டுக்கு சென்றுள்ளார். பின்னர் நீண்ட நேரம் ஆகியும் வீடு திரும்பாததால் மனைவி பூவாய்(38) சென்று பார்த்த போது மின் வயரை பிடித்தபடி மின்சாரம் தாக்கியத்தில் மயங்கி கிடந்துள்ளார். உடனடியாக அவரை மீட்டு வத்திராயிருப்பு அரசு மருத்துவமனைக்கு கொண்டு சென்றனர். அங்கு பரிசோதித்த மருத்துவர் உயிரிழந்ததாக தெரிவித்தார். இச்சம்பவம் குறித்து கூமாபட்டி போலீசார் வழக்கு பதிந்து விசாரித்து வருகின்றனர்.