பஸ் மோதி தொழிலாளி பலி

சிவகாசி,

சிவகாசி தாலுகாவில் உள்ள கொத்தனேரி தெற்கு தெருவை சேர்ந்தவர் மாரிமுத்து மனைவி சூராக்காள் (வயது 23). இவர் அதே பகுதியில் உள்ள ஒரு பட்டாசு ஆலையில் வேலை செய்து வந்தார். இந்தநிலையில் சம்பவத்தன்று காலையில் வழக்கம்போல் பட்டாசு ஆலைக்கு அரசு பஸ்சில் சென்றார். அப்போது எரிச்சநத்தம்-சிவகாசி மெயின் ரோட்டில் உள்ள எம்.மேட்டுப்பட்டி பஸ் நிறுத்தத்தில் இறங்கி நடந்து சென்ற போது எதிர்பாராதவிதமாக பஸ், சூராக்காள் மீது மோதியது. இதில் அவர் உடல் நசுங்கி பலத்த காயம் அடைந்தார். உடனே அருகில் இருந்தவர்கள் அவரை மீட்டு விருதுநகர் அரசு ஆஸ்பத்திரிக்கு அனுப்பி வைத்தனர். அங்கு அவருக்கு தீவிர சிகிச்சை அளிக்கப்பட்ட நிலையில் அவர் சிகிச்சை பலன் அளிக்காமல் பரிதாபமாக இறந்தார். இந்த விபத்து குறித்து எம்.புதுப்பட்டி போலீசார் வழக்குபதிவு செய்து விசாரணை நடத்தி வருகிறார்கள்.