கார் மோதி தொழிலாளி பலி

நாங்குநேரி:

மூன்றடைப்பு அருகே நெடுங்குளம் நான்கு வழிச்சாலை விலக்கில் உள்ள சிதம்பரபுரம் கிராமத்தை சேர்ந்தவர் பால்துரை (வயது 62), தொழிலாளி. இவர் நேற்று காலை தனது மொபட்டில் சாலையை கடந்து சென்றார். அப்போது நெல்லையில் இருந்து அந்த வழியாக வந்த கார் ஒன்று பால்துரை மீது மோதியது. இதில் அவர் தூக்கி வீசப்பட்டு சம்பவ இடத்திலேயே பரிதாபமாக இறந்தார். தகவல் அறிந்ததும் மூன்றடைப்பு போலீசார் சம்பவ இடத்துக்கு சென்றனர். அவரது உடலை கைப்பற்றி பிரேத பரிசோதனைக்காக பாளையங்கோட்டை ஐகிரவுண்டு அரசு ஆஸ்பத்திரிக்கு அனுப்பி வைத்தனர். இதுகுறித்து போலீசார் வழக்குப்பதிவு செய்து விசாரணை நடத்தி வருகின்றனர்.