டிராக்டர் மோதி தொழிலாளி பலி

திருவண்ணாமலை மாவட்டம் வெம்பாக்கம் அருகே உள்ள வடமலைபாக்கம்பிள்ளை கிராமத்தை சேர்ந்தவர் தங்கதுரை (வயது 20). இவர் வேலூரை அடுத்த பெருமுகை பாலாற்றங்கரையோரம் உள்ள மணல் குவாரியில் பில் போடும் வேலை செய்து வந்தார்.

சம்பவத்தன்று டிராக்டர் ஒன்று பின்நோக்கி வந்தபோது எதிர்பாராத விதமாக தங்கதுரை மீது மோதியது. இதில் பலத்த காயமடைந்த அவரை அருகில் இருந்தவர்கள் மீட்டு சிகிச்சைக்காக அடுக்கம்பாறை அரசு மருத்துவமனையில் சேர்த்தனர். அங்கு சிகிச்சை பலனின்றி தங்கதுரை பரிதாபமாக உயிரிழந்தார்.

இதுகுறித்து சத்துவாச்சாரி போலீசார் வழக்குப்பதிந்து விசாரணை நடத்தி வருகிறார்கள்.