வாகனம் மோதி தொழிலாளி பலி

ஆறுமுகநேரி:

தென்காசி மாவட்டம் ஆழ்வார்குறிச்சி அருகே உள்ள சம்பன்குளத்தைச் சேர்ந்தவர் முஹம்மது முஸ்தபா மகன் முகமது இப்ராஹீம் (வயது 54). இவர் ஊர் ஊராக சென்று கடைகளில் சாம்பிராணி புகை போடும் தொழில் செய்து வந்தார்.

நேற்று முன்தினம் மாலையில் இவர் முக்காணி ரவுண்டானாவிற்கும், தாமிரபரணி ஆற்றுப்பாலத்திற்கும் இடையே நடந்து வந்தார். அப்போது இவருக்கு பின்னால் வந்த லோடு வேன் ஒன்று இவர் மீது மோதியது. இதில் படுகாயம் அடைந்த அவர் 108 ஆம்புலன்ஸ் மூலம் தூத்துக்குடி அரசு ஆஸ்பத்திரிக்கு கொண்டு செல்லப்பட்டார். ஆனால் அங்கு சிகிச்சை பலனின்றி அவர் பரிதாபமாக இறந்தார்.

இதுதொடர்பாக அவரது மகன் சமீர் பாட்ஷா (27) கொடுத்த புகாரின் பேரில் ஆத்தூர் போலீசார் வழக்குப்பதிவு செய்து விசாரணை நடத்தி வருகின்றனர்.