அரசு பஸ் மோதி தொழிலாளி படுகாயம்

சிவகாசி,

சிவகாசி தெற்கு தெருவை சேர்ந்தவர் தனசேகரன் (வயது 36). இவர் சமையல் செய்யும் தொழில் செய்து வருகிறார். இவர் தனது நண்பரை பார்க்க சிவகாசி பஸ் நிலையம் வந்துள்ளார். பஸ் நிலைய நுழைவு பகுதிக்கு வந்த போது அங்கு வந்த அரசு பஸ் தனசேகரனின் கால் மீது ஏறி உள்ளது. இதில் தனசேகரன் பலத்த காயம் அடைந்தார். உடனே அருகில் இருந்தவர்கள் அவரை மீட்டு சிவகாசி அரசு ஆஸ்பத்திரிக்கு அனுப்பி வைத்தனர். அங்கு அவர் சிகிச்சை பெற்று வருகிறார். இந்த சம்பவம் குறித்து அவர் கொடுத்த புகாரின் பேரில் சிவகாசி டவுன் போலீசார் அரசு பஸ்சை ஓட்டி வந்த சித்துராஜபுரத்தை சேர்ந்த ராதாகிருஷ்ணன் என்பவர் மீது வழக்குப்பதிவு செய்து விசாரணை நடத்தி வருகிறார்கள்.