நாகர்கோவிலில் தொழிலாளி தற்கொலை

நாகர்கோவில்:

நாகர்கோவில் வடசேரி சக்தி கார்டன் பகுதியை சேர்ந்தவர் சுப்பிரமணியன் (வயது 54), தொழிலாளி. இவரது மனைவி 6 ஆண்டுகளுக்கு முன்பு இறந்து விட்டார். இதனால் சுப்பிரமணியன் உடல்நலம் பாதிக்கப்பட்டதாக கூறப்படுகிறது. இதற்காக அவர் ஆஸ்பத்திரியில் சிகிச்சை பெற்று வந்தார். இந்த நிலையில் நேற்று வீட்டில் சுப்பிரமணியன் தூக்குப்போட்டு தற்கொலை செய்து கொண்டார்.

இதுபற்றி வடசேரி போலீசில் புகார் செய்யப்பட்டது. உடனே போலீசார் சம்பவ இடத்துக்கு விரைந்து வந்து உடலை கைப்பற்றி பிரேத பரிசோதனைக்காக ஆசாரிபள்ளம் அரசு ஆஸ்பத்திரிக்கு அனுப்பி வைத்தனர். இதுகுறித்து போலீசார் வழக்குப்பதிவு செய்து விசாரணை நடத்தி வருகிறார்கள்.