டெல்லி போலீஸ் பணிக்கான எழுத்துத்தேர்வு: தமிழகத்தில் 7 இடங்களில் நடக்கிறது

சென்னை,

மத்திய அரசின் பணியாளர் தேர்வாணையம் டெல்லி போலீசில் பணியாற்ற ஆண், பெண் காவலர்களை (நிர்வாகம்) தேர்வு செய்ய உள்ளது.

இதற்காக தென்மண்டலத்தில் இருந்து 1 லட்சத்து 8 ஆயிரத்து 246 பேர் விண்ணப்பித்துள்ளனர். இவர்களுக்கான தேர்வு 22 இடங்களில் நடக்கிறது. தமிழகத்தில் சென்னை, கோவை, மதுரை, சேலம், திருச்சி, நெல்லை, வேலூர் ஆகிய இடங்களில் நடக்கிறது.

வருகிற 14-ந்தேதி முதல் அடுத்த மாதம் (டிசம்பர்) 1-ந்தேதி வரை பல்வேறு கட்டங்களாக நடைபெறுகிறது. விண்ணப்பதாரர்கள் தேர்வுக்கு 4 நாட்களுக்கு முன்னதாக இணையதளம் மூலம் பதிவிறக்கம் செய்துகொள்ளலாம்.

தேர்வின்போது வாட்ச், செல்போன் உள்ளிட்ட எலக்ட்ரானிக் பொருட்கள் எடுத்துச்செல்ல தடை விதிக்கப்பட்டுள்ளது.

மேற்கண்ட தகவல் மத்திய அரசின் பத்திரிகை தகவல் மையம் வெளியிட்டுள்ள செய்திக்குறிப்பில் கூறப்பட்டுள்ளது.