ஜெயிலர் பணிக்கான எழுத்து தேர்வு

மேலதிடியூர்:

தமிழ்நாடு அரசு பணியாளர் தேர்வாணையம் மூலம் ஜெயிலர் பணிக்கான இணையவழித் தேர்வு நாளை மறுநாள் (திங்கட்கிழமை) காலையில், மாலையிலும் நடக்கிறது. நெல்லை மாவட்டத்தில் 1,500 பேர் இந்த தேர்வை எழுதுகிறார்கள். இதற்காக நெல்லை அருகே உள்ள மேலதிடியூர் பி.எஸ்.என். கல்லூரி வளாகத்தில் 3 மையங்கள் அமைக்கப்பட்டுள்ளன.

இந்தத் தேர்வின் போது தடையில்லாமல் மின்சாரம் வழங்கவும், கூடுதலாக பஸ்கள் இயக்கவும், போதிய போலீஸ் பாதுகாப்பு போடவும், மருத்துவ வசதி செய்து கொடுக்கவும் உரிய நடவடிக்கை எடுக்கப்பட்டுள்ளது. தேர்வு அறைக்குள் செல்போன் எடுத்துச் செல்ல அனுமதி கிடையாது.

இந்த தகவலை கலெக்டர் விஷ்ணு தெரிவித்துள்ளார்.