120 கிலோ இளவட்டக்கல்லை தூக்கி இளைஞர்கள் அசத்தல்

களக்காடு:

களக்காடு நாடார் புதுத்தெருவில் பொங்கல் திருநாளை முன்னிட்டு விளையாட்டு விழா 2 நாட்கள் நடந்தது. இதையொட்டி சிறுவர், சிறுமிகளுக்கு கபடி, ஓட்டப்பந்தயம் உள்பட பல்வேறு போட்டிகள் நடத்தப்பட்டது. அதனைத்தொடர்ந்து 120 கிலோ எடை கொண்ட இளவட்டக்கல் தூக்கும் போட்டி நடந்தது. போட்டியில் இளைஞர்கள் ஆர்வமுடன் கலந்து கொண்டு இளவட்டக்கல்லை தூக்கினர்.

இதுபோல இளைஞர்களுக்கு போட்டியாக பெண்களும் உரல்களை தூக்கி அசத்தினர். பின்னர் வழுக்கு மரம் ஏறும் போட்டியும் நடந்தது. போட்டிகளில் வெற்றி பெற்றவர்களுக்கு பரிசு வழங்கப்பட்டது.