அலுவலக பூட்டை உடைத்த வாலிபர் கைது

ஸ்பிக்நகர்:

தூத்துக்குடி அருகே உள்ள முத்தையாபுரம் பேரின்ப நகர் பகுதியில் கியாஸ் நிறுவனம் செயல்பட்டு வருகிறது. நேற்று முன்தினம் மாலை ஊழியர்கள் நிறுவனத்தை அடைத்து விட்டு சென்றனர். நேற்று காலை 9 மணிக்கு அலுவலகத்தை திறக்க வந்தபோது, பூட்டு இரண்டும் பாதி அறுபட்ட நிலையில் இருந்தது தெரியவந்தது. இதனை தொடர்ந்து ஊழியர்கள் உள்ளே சென்று பார்த்தபோது, அங்கு எந்த பொருட்களும் திருடு போகவில்லை என்பது தெரியவந்தது. இதுகுறித்து முத்தையாபுரம் போலீசில் புகார் செய்தனர் புகாரின் பேரில் போலீசார் வழக்குப்பதிவு செய்து விசாரணை நடத்தி அத்திமரப்பட்டி ஜெபசிங் பாக்யராஜ் மகன் டேவிட் சுந்தர் (வயது 24) என்பவரை கைது செய்தனர்.