ஆம்பூர் அருகே இளம் பெண்ணை ஏமாற்றிய வாலிபர் கைது

ஆம்பூர் அருகே உள்ள செங்கிலிகுப்பம் பகுதியை சேர்ந்தவர் அன்பரசன் (வயது 29). இவர் கடந்த 2017-ம் ஆண்டு முதல் இளம் பெண் ஒருவரை காதலித்து வந்துள்ளார். அப்போது அவரை திருமணம் செய்து கொள்வதாக ஆசை வார்த்தை கூறி வந்துள்ளார்.

பின்னர் திடீரென திருமணம் செய்ய மறுத்துவிட்டு இளம் பெண்ணை சந்திப்பதை தவிர்த்து வந்துள்ளார். இது குறித்து இளம்பெண் ஆம்பூர் அனைத்து மகளிர் போலீசில் புகார் அளித்தார். அதன் பேரில் போலீசார் வழக்குப்பதிவு செய்து அன்பரசனை கைது செய்து விசாரணை நடத்தி வருகின்றனர்.