பொதுமக்களை மிரட்டி பணம் பறித்த வாலிபர் கைது

ஆம்பூரை அடுத்த மின்னூர் ஊராட்சி எம்.சி.ரோட்டில் பொதுமக்களை, வாலிபர் ஒருவர் மிரட்டி பணம் பறிப்பதாக திருப்பத்தூர் மாவட்ட போலீஸ் சூப்பிரண்டு அலுவலக கட்டுப்பாட்டு அறைக்கு புகார் வந்தது. இதையடுத்து ஆம்பூர் தாலுகா போலீசார் சம்பவ இடத்துக்கு சென்றனர்.

அங்கு விசாரணை நடத்தியதில் மின்னூர் எம்.சி.ரோட்டில் வசிக்கும் பப்லு (வயது 22) என்பவர் பொதுமக்களை மிரட்டி பணம் பறித்தது தெரிய வந்தது. அதைத்தொடர்ந்து அவர் மீது போலீசார் வழக்குப்பதிவு செய்து அவரை கைது செய்தனர்.