இளம் பெண்ணை கர்ப்பமாக்கிய வாலிபர் கைது

வேலூர் கன்சால்பேட்டை பகுதியை சேர்ந்தவர் பிரசாந்த் (வயது 19). இவர், 20 வயதுடைய இளம் பெண்ணை காதலித்து வந்ததாக கூறப்படுகிறது.

இதனிடையே திருமணம் செய்து கொள்வதாக ஆசைவார்த்தை கூறி பிரசாந்த் அந்த இளம் பெண்ணை கர்ப்பமாக்கினார்.

6 மாதம் கர்ப்பமான நிலையில் அந்த பெண் தன்னை திருமணம் செய்ய அவரிடம் வலியுறுத்தினார். ஆனால் அவர் திருமணம் செய்யாமல் ஏமாற்றினார்.

அதைத் தொடர்ந்து அந்த பெண் வேலூர் அனைத்து மகளிர் போலீஸ் நிலையத்தில் புகார் செய்தார்.

அதன்பேரில் போலீசார் வழக்குப்பதிவு செய்து பிரசாந்தை கைது செய்தனர்.