4 பவுன் நகை திருடிய வாலிபர் கைது

திருச்சி ராம்ஜிநகரை அடுத்த இனாம் மாத்தூர் ஆதிதிராவிடர் தெருவை சேர்ந்தவர் ஆராயி (வயது 45). இவரது வீட்டுக்கு கடந்த சில நாட்களுகக்கு முன்பு வையம்பட்டி அமையாபுரத்தை சேர்ந்த உறவினரான மாசி மலை மகன் சரவணன் (30) என்பவர் வந்து இருந்தார். இந்நிலையில் ஆராயி தனது உறவினர் சரவணனை வீட்டில் இருக்கும்படி கூறிவிட்டு கட்டிட வேலைக்கு சென்று விட்டார். பின்னர் மாலையில் வீடு திரும்பிய போது, வீட்டின் பீரோ திறந்து கிடந்தது. அதில் இருந்த 4 பவுன் நகையை காணவில்லை. மேலும் சரவணனும் வீட்டில் இல்லை. இது குறித்த புகாரின் பேரில் ராம்ஜிநகர் போலீசார் வழக்குப்பதிவு செய்த சரவணனை சந்தேகத்தின் பேரில் பிடித்து விசாரணை நடத்தினர். விசாரணையில் அவர் நகையை திருடியது தெரியவந்தது. இதனையடுத்து போலீசார் அவரை கைது செய்து நகையை மீட்டனர்.