அருமனை அருகே உறவினர் வீட்டில் நகை திருடிய வாலிபர் கைது

அருமனை,

அருமனை அருகே உறவினர் வீட்டில் நகை திருடிய வாலிபரை போலீசார் கைது செய்தனர்.

திருடியவர் கைது

அருமனை அருகே உள்ள மஞ்சாலுமூடு கைதகம் பகுதியை சேர்ந்தவர் முருகன். இவரது மகன் சாரோன் (வயது22). இவர் அதே பகுதியை சேர்ந்த ஒரு உறவினர் வீட்டுக்கு அடிக்கடி செல்வது வழக்கம்.

இந்த நிலையில் நேற்று மதியம் சாரோன் உறவினர் வீட்டுக்கு சென்றுள்ளார். பின்னர் திரும்பி வந்த போது அங்கிருந்து உறவினருக்கு தெரியாமல் 7 பவுன் நகையை திருடி வந்ததாக கூறப்படுகிறது. இதனை அறிந்த பொதுமக்கள் சாரோனை சுற்றி வளைத்து பிடித்து நகையை மீட்டனர். பின்னர் அவரை அருமனை போலீசாரிடம் ஒப்படைத்தனர். இதுகுறித்த புகாரின் பேரில் போலீசார் வழக்குப்பதிவு செய்து சாரோனை கைது செய்தனர்.