குண்டர் சட்டத்தில் வாலிபர் கைது

நாகர்கோவில்:

குண்டர் சட்டத்தில் வாலிபர் கைது செய்யப்பட்டார்

மார்த்தாண்டம் கண்ணகோடு பகுதியை சேர்ந்தவர் ஷபான் அப்தில் என்ற ஷபான் அதில் (வயது 33). இவர் மீது மார்த்தாண்டம் போலீஸ் நிலையத்தில் கஞ்சா உள்ளிட்ட போதை பொருட்கள் கடத்திய வழக்குகள் உள்ளன. போலீசாரின் எச்சரிக்கையை மீறி தொடர்ந்து ஷபான் அப்தில் குற்றச்செயல்களில் ஈடுபட்டு வந்ததாக தெரிகிறது. இதனால் அவரை குண்டர் சட்டத்தில் கைது செய்ய மாவட்ட போலீஸ் சூப்பிரண்டு ஹரிகிரண் பிரசாத், மாவட்ட கலெக்டர் அரவிந்துக்கு பரிந்துரை செய்தார். அதனை ஏற்று ஷபான் அப்திலை குண்டர் சட்டத்தில் கைது செய்ய கலெக்டர் உத்தரவிட்டார். இதையடுத்து அவரை மார்த்தாண்டம் போலீசார் நேற்று குண்டர் சட்டத்தில் கைது செய்து, பாளையங்கோட்டை சிறையில் அடைத்தனா்.