மின்சாரம் பாய்ந்து வாலிபர் பலி

முசிறி அருகே உள்ள ஆமூர் அம்பேத்கர் நகரை சேர்ந்தவர் கந்தன். இவரது மகன் முரளி (வயது 25), இவர் சிறுகனூர் அருகே உள்ள தனியார் நிறுவனததில் வெல்டராக வேலை பார்த்து வந்தார். இந்நிலையில் புதிதாக கட்டப்படட்டு வரும் தங்களது வீட்டு கட்டிடத்திற்கு நேற்று காலை தண்ணீர் விடுவதற்காக மோட்டார் மின் பொத்தானை அழுத்தியுள்ளார். அப்போது மின்சார பெட்டியில் மின் கசிவு ஏற்பட்டு முரளி மீது மின்சாரம் பாய்ந்துள்ளது. இதில் தூக்கி வீசப்பட்டு கீழே மயங்கி விழுந்த அவரை அக்கம் பக்கத்தினர் மீட்டு சிகிச்சைக்காக முசிறி அரசு ஆஸ்பத்திரிக்கு அனுப்பி வைத்தனர். அங்கு அவரை பரிசோதித்த டாக்டர்கள் அவர் ஏற்கனவே இறந்துவிட்டதாக தெரிவித்தனர். இது குறித்த புகாரின் பேரில் வாத்தலை போலீசார் வழக்குப்பதிவு செய்து விசாரணை நடத்தி வருகின்றனர்.