நண்பர் மீது மதுபாட்டிலால் தாக்குதல்

ஒரத்தநாடு;

ஒரத்தநாடு அருகே தகராறின் போது நண்பரை மது பாட்டிலால் தாக்கிய வாலிபரை போலீசார் தேடி வருகின்றனர்

தாக்குதல்

ஒரத்தநாட்டை அடுத்துள்ள திருநல்லூர் கிராமத்தைச் சேர்ந்தவர் ஞானசேகர். இவருடைய மகன் ராஜேஷ்குமார் (வயது24). அதே ஊரை சேர்ந்தவர் சண்முகம் மகன் ராம்குமார் (25). வடக்குகோட்டை கிராமத்தைச் சேர்ந்தவர் நடராஜ் மகன் ராஜா (25). நண்பா்களான இவர்கள் 3 பேரும் சம்பவத்தன்று வெட்டிக்காடு பாலம் அருகில் உள்ள மதுபான கடை அருகே நின்று பேசிக் கொண்டிருந்தனர். அப்போது ராஜாவுக்கும், ராஜேஷ்குமாருக்கும் இடையே தகராறு ஏற்பட்டது. இதில் ஆத்திரமடைந்த ராஜா மது பாட்டிலால் ராஜேஷ்குமாரை தலையில் தாக்கினார்.

வாலிபருக்கு வலைவீச்சு

இதில் தலையில் படுகாயம் அடைந்த ராஜேஷ்குமார் தஞ்சையில் உள்ள ஒரு தனியார் ஆஸ்பத்திரியில் சிகிச்சைக்காக சேர்க்கப்பட்டார். இதுகுறித்து காயம் அடைந்த ராஜேஷ்குமாரின் தந்தை ஞானசேகர் கொடுத்த புகாரின் பேரில் ஒரத்தநாடு போலீசார் ராஜா மீது வழக்குப் பதிவு செய்து அவரை தேடி வருகின்றனர்.