ஜெனகை மாரியம்மன் கோவில் வைகாசி திருவிழா கொடியேற்றத்துடன் தொடக்கம்

சோழவந்தான்

சோழவந்தான் ஜெனகை மாரியம்மன் கோவில் வைகாசி திருவிழா நேற்று கொடியேற்றம் நடந்தது. முன்னதாக மேளதாளத்துடன் நான்கு ரதவீதியில் வலம் வந்து கோவில் வளாகத்தில் உள்ள கொடிக்கம்பத்தில் கொடியேற்றும் விழா நடந்தது. சிறப்பு பூஜை நடைபெற்று அனைவருக்கும் பிரசாதம் வழங்கப்பட்டது. கோவில் செயல் அலுவலர் இளமதி, தக்கார் கமலா, பேரூராட்சி மன்ற தலைவர்கள் சோழவந்தான் ஜெயராமன், வாடிப்பட்டி பால்பாண்டி மற்றும் கோவில் பணியாளர்கள் உள்பட பலர் கலந்து கொண்டனர்.