2023 உலகக்கோப்பை கிரிக்கெட் அட்டவணை வெளியீடு: அக்.15-ம் தேதி இந்தியா - பாகிஸ்தான் மோதுகின்றன...!

புதுடெல்லி,

2023 உலகக்கோப்பை ஒருநாள் கிரிக்கெட் போட்டிக்கான அட்டவணையை ஐசிசி இன்று வெளியிட்டுள்ளது. அதன்படி, அக்டோபர் 5-ம் தேதி முதல் நவம்பர் 19-ம் தேதி வரை கிரிக்கெட் போட்டி இந்தியாவில் நடைபெற உள்ளது.

* முதல் போட்டி இங்கிலாந்து - நியூசிலாந்து அணிகளுக்கு இடையே, அக்டோபர் 5-ம் தேதி நரேந்திர மோடி மைதானத்தில் நடைபெறவுள்ளது.

* இந்தியாவின் முதல் ஆட்டம், அக்டோபர் 8-ம் தேதி ஆஸ்திரேலியாவுக்கு எதிராக சென்னை சேப்பாக்கம் மைதானத்தில் நடைபெறவுள்ளது.

* இந்தியா - பாகிஸ்தான் அணிகளுக்கு இடையேயான ஆட்டம் அக்டோபர் 15-ம் தேதி அகமதாபாத் மைதானத்தில் நடைபெற உள்ளது.

* ஐசிசி கிரிக்கெட் உலகக்கோப்பை இறுதிப்போட்டி நவம்பர் 19-ம் தேதி நரேந்திர மோடி மைதானத்தில் நடைபெறவுள்ளது.