தமிழ்நாடு பொன்விழா ஆண்டு விளையாட்டு போட்டி
ராமநாதபுரத்தில் தமிழ்நாடு பொன்விழா ஆண்டை முன்னிட்டு நடைபெறும் விளையாட்டு போட்டிகளை மாவட்ட கலெக்டர் நடராஜன் தொடங்கி வைத்தார்.
ராமநாதபுரம்,
தமிழ்நாடு பொன்விழா ஆண்டையொட்டி ராமநாதபுரம் மாவட்டத்தில் தமிழ் வளர்ச்சித்துறை, கலைபண்பாட்டுத்துறை, விளையாட்டுத்துறை சார்பில் பல்வேறு நிகழ்ச்சிகள், மாணவ, மாணவிகளுக்கான விளையாட்டு போட்டிகள் நடத்தப்பட்டு வருகின்றன. இதன்படி தமிழ்நாடு விளையாட்டு மேம்பாட்டு ஆணையம் சார்பில் 21 வயதிற்கு உட்பட்ட மாணவ-மாணவிகளுக்கு மாவட்ட அளவிலான விளையாட்டு போட்டிகளை மாவட்ட கலெக்டர் நடராஜன் தொடங்கி வைத்தார்.
நிகழ்ச்சியில் மாவட்ட விளையாட்டு அலுவலர் பிராங்பால் ஜெயசீலன், செய்தி மக்கள் தொடர்பு அலுவலர் அண்ணாதுரை உள்பட அரசு அலுவலர்கள், பயிற்சியாளர்கள், மாணவ-மாணவிகள் கலந்து கொண்டனர்.
இதில் 100 மீட்டர் ஓட்டம், நீளம் தாண்டுதல், உயரம் தாண்டுதல் என மூன்று வகையாக ஆண்கள், பெண்கள் என இருபாலருக்கும் தனித்தனியே நடத்தப்படுகிறது. இப்போட்டிகளில் வெற்றிபெறும் மாணவர்களுக்கு முதல் பரிசாக ரூ.5,000-மும், இரண்டாம் பரிசாக ரூ.3,000-மும், மூன்றாம் பரிசாக ரூ.2,000-மும் மற்றும் பாராட்டு சான்றிதழ்கள் வழங்கப்படும். மாவட்ட அளவிலான போட்டிகளில் வெற்றி பெறும் மாணவ, மாணவிகள் மாநில அளவிலான போட்டிகளில் பங்குபெற அனுமதிக்கப்படுவார்கள்.
மாநில அளவில் வெற்றி பெறும் மாணவர்களுக்கு முதல் பரிசு ரூ.50,000 மற்றும் 4 கிராம் தங்க பதக்கமும், இரண்டாம் பரிசு ரூ.25,000 மற்றும் 4 கிராம் தங்க பதக்கமும், மூன்றாம் பரிசு ரூ.10,000 மற்றும் 4 கிராம் தங்க பதக்கமும் சென்னையில் நடைபெற உள்ள தமிழ்நாடு 50-வது ஆண்டு பொன்விழாவில் முதல்-அமைச்சரால் வழங்கப்பட உள்ளது.
தமிழ்நாடு பொன்விழா ஆண்டையொட்டி ராமநாதபுரம் மாவட்டத்தில் தமிழ் வளர்ச்சித்துறை, கலைபண்பாட்டுத்துறை, விளையாட்டுத்துறை சார்பில் பல்வேறு நிகழ்ச்சிகள், மாணவ, மாணவிகளுக்கான விளையாட்டு போட்டிகள் நடத்தப்பட்டு வருகின்றன. இதன்படி தமிழ்நாடு விளையாட்டு மேம்பாட்டு ஆணையம் சார்பில் 21 வயதிற்கு உட்பட்ட மாணவ-மாணவிகளுக்கு மாவட்ட அளவிலான விளையாட்டு போட்டிகளை மாவட்ட கலெக்டர் நடராஜன் தொடங்கி வைத்தார்.
நிகழ்ச்சியில் மாவட்ட விளையாட்டு அலுவலர் பிராங்பால் ஜெயசீலன், செய்தி மக்கள் தொடர்பு அலுவலர் அண்ணாதுரை உள்பட அரசு அலுவலர்கள், பயிற்சியாளர்கள், மாணவ-மாணவிகள் கலந்து கொண்டனர்.
இதில் 100 மீட்டர் ஓட்டம், நீளம் தாண்டுதல், உயரம் தாண்டுதல் என மூன்று வகையாக ஆண்கள், பெண்கள் என இருபாலருக்கும் தனித்தனியே நடத்தப்படுகிறது. இப்போட்டிகளில் வெற்றிபெறும் மாணவர்களுக்கு முதல் பரிசாக ரூ.5,000-மும், இரண்டாம் பரிசாக ரூ.3,000-மும், மூன்றாம் பரிசாக ரூ.2,000-மும் மற்றும் பாராட்டு சான்றிதழ்கள் வழங்கப்படும். மாவட்ட அளவிலான போட்டிகளில் வெற்றி பெறும் மாணவ, மாணவிகள் மாநில அளவிலான போட்டிகளில் பங்குபெற அனுமதிக்கப்படுவார்கள்.
மாநில அளவில் வெற்றி பெறும் மாணவர்களுக்கு முதல் பரிசு ரூ.50,000 மற்றும் 4 கிராம் தங்க பதக்கமும், இரண்டாம் பரிசு ரூ.25,000 மற்றும் 4 கிராம் தங்க பதக்கமும், மூன்றாம் பரிசு ரூ.10,000 மற்றும் 4 கிராம் தங்க பதக்கமும் சென்னையில் நடைபெற உள்ள தமிழ்நாடு 50-வது ஆண்டு பொன்விழாவில் முதல்-அமைச்சரால் வழங்கப்பட உள்ளது.