காஞ்சீபுரம்,திருவள்ளூர் மாவட்டங்களில் மணல் கடத்திய 8 பேர் கைது

திருவள்ளூர் தாலுகா போலீசார் நேற்று முன்தினம் திருவள்ளூர் மாவட்டம் திருப்பாச்சூர் பகுதியில் உள்ள ஏரியின் அருகே ரோந்துப்பணியில் ஈடுபட்டனர். அப்போது அந்த வழியாக மணல் கடத்தி வந்த ஒரு டிராக்டரை பறிமுதல் செய்த போலீசார் அதை ஓட்டி வந்த திருப்பாச்சூர் கோட்டை காலனியை சேர்ந்த கோபி (வயது 22), உடன் வந்த நாகராஜ் (35)ஆகியோரை கைது செய்தனர். அதேபோல மப்பேடு போலீசார் நேற்று முன்தினம் பேரம்பாக்கம் பகுதியில் உள்ள கூவம் ஆற்றின் அருகே ரோந்துப்பணியில் ஈடுப்பட்டனர்.
அப்போது அந்த வழியாக மணல் கடத்தி வந்த ஒரு மோட்டார் சைக்கிளை பறிமுதல் செய்த போலீசார் அதை ஓட்டி வந்த பேரம்பாக்கத்தை சேர்ந்த மணிகண்டன் (27), உடன் இருந்த அதே பகுதியை சேர்ந்த ராமன் (27), ஜெயவேல் (37), ரவீந்திரன் (37) ஆகியோரை கைது செய்தனர்.