சங்கராபுரத்தில் கொரோனாவுக்கு அரசு பஸ் டிரைவர் பலி

கள்ளக்குறிச்சி,



இதற்கிடையில் அவருக்கு கொரோனா தொற்று எப்படி வந்தது? என்பது குறித்து அரசு பஸ் டிரைவரிடமும், அவரது குடும்பத்தினரிடமும் விசாரித்தனர். அப்போது அரசு பஸ் டிரைவர், மரவாநத்தம் கிராமத்தில் உள்ள தனது உறவினர் வீட்டுக்கு சென்று ஒரு நாள் தங்கியதும், அவர் மூலம் தொற்று ஏற்பட்டதும் தெரியவந்தது. இதையடுத்து அவரது உறவினர் மற்றும் தொடர்பில் இருந்த குடும்பத்தினருக்கு கொரோனா பரிசோதனை செய்யப்பட்டது.

இதில் அரசு பஸ் டிரைவரின் மகனான 23 வயதுடைய வாலிபருக்கும், அவருடன் தொடர்பில் இருந்த மேலும் 2 பேருக்கும் கொரோனா தொற்று இருப்பது உறுதியானது. இதனை தொடர்ந்து அவர்களும் மருத்துவமனையில் அனுமதிக்கப்பட்டனர்.

இந்த நிலையில் அரசு பஸ் டிரைவரின் உடல் நிலை மோசமானது. இதையடுத்து அவர், மேல்சிகிச்சைக்காக முண்டியம்பாக்கம் அரசு மருத்துவக்கல்லூரி மருத்துவமனையில் அனுமதிக்கப்பட்டார். அங்கு சிகிச்சை பலனின்றி நேற்று மாலை அவர் பரிதாபமாக இறந்தார். கள்ளக்குறிச்சி மாவட்டத்தில் இவர்தான் கொரோனாவுக்கு முதல் பலி என்பது குறிப்பிடத்தக்கது.