பெங்களூருவில் சித்தராமையா தலைமையில் இன்று காங்கிரஸ் எம்.எல்.ஏ.க்கள் கூட்டம்

பெங்களூரு, 

கர்நாடக சட்டசபை கூட்டம் வருகிற 21-ந் தேதி தொடங்கி 30-ந் தேதி வரை நடக்கிறது. 

இதையொட்டி இதில் கிளப்ப வேண்டிய பிரச்சினைகள் குறித்து விவாதிக்க கர்நாடக காங்கிரஸ் எம்.எல்.ஏ.க்கள் கூட்டம் அதன் தலைவர் சித்தராமையா தலைமையில் பெங்களூருவில் இன்று (புதன்கிழமை) ஒரு நட்சத்திர ஓட்டலில் நடக்கிறது. இதில் கட்சியின் அனைத்து எம்.எல்.ஏ.க்களும் தவறாமல் கலந்துகொள்ள வேண்டும் என்று சட்டசபை காங்கிரஸ் கட்சி செயலாளர் துகாராம் வெளியிட்டுள்ள அறிக்கையில் கூறியுள்ளார்.

இதில் முக்கியமாக போதைப்பொருள் விவகாரம், கொரோனா பரவல், மக்களின் வாழ்வாதாரம் பாதிப்பு உள்ளிட்ட விஷயங்கள் குறித்து விவாதிக்கப்பட இருக்கிறது.