தாளவாடி அருகே சோளத்தட்டு போரில் தீ விபத்து

தாளவாடி

தாளவாடி அருகே உள்ள மெட்டல்வாடி கிராமத்தை சேர்ந்தவர் நாகராஜ் (வயது 50). கூலி தொழிலாளி. இவர் 4 மாடுகள் வளர்த்து வருகிறார். இவற்றுக்கு தீவனமாக தனது நிலத்தில் சோளத்தட்டு போரை அடுக்கி வைத்திருந்தார்.

இந்த நிலையில் நேற்று மதியம் 3 மணி அளவில் சோளத்தட்டு போர் திடீரென தீப்பிடித்து எரிந்தது. காற்று பலமாக வீசியதால் மளமளவென தீ பரவி கொழுந்துவிட்டு எரிந்தது. இதை பார்த்த பொதுமக்கள் தண்ணீரை ஊற்றி தீயை அணைத்தனர். எனினும் சோளத்தட்டு போர் முற்றிலும் எரிந்து நாசம் ஆனது.