ஒரே நாளில் 211 பேருக்கு கொரோனா; குணம் அடைந்தோர் எண்ணிக்கை அதிகரிப்பு

சிவகங்கை மாவட்டத்தில் கடந்த சில மாதங்களாக கொரோனா பரவல் அதிகமாக காணப்பட்டது. இதையடுத்து மாவட்ட நிர்வாகம் எடுத்த பல்வேறு நடவடிக்கை காரணமாக படிப்படியாக கொரோனா தொற்று குறைய தொடங்கியது.
இந்த நிலையில் சிவகங்கை மாவட்டத்தில் நேற்று ஒரே நாளில் 211 பேருக்கு கொரோனா தொற்று இருப்பது உறுதி செய்யப்பட்டது.அவர்கள் ஆஸ்பத்திரிகளில் சிகிச்சை பெற்று வருகின்றனர்.
தொற்று உறுதி செய்யப்பட்டவர்களின் உறவினர்கள், அவருடன் இருந்தவர்கள் கொரோனா பரிசோதனை செய்து கொள்ளுமாறு சுகாதாரத்துறை அறிவுறுத்தி உள்ளது.
சிவகங்கை மாவட்டத்தை பொறுத்தவரை இதுவரை 14 ஆயிரத்து 236 பேர் கொரோனாவால் பாதிக்கப்பட்டு உள்ளனர். மாவட்டத்தில் அரசு மருத்துவமனை, தனியார் மருத்துவமனை, மற்றும் வீட்டு தனிமையில் உள்ளவர்கள் உள்பட 1,977 பேர் தற்போது சிகிச்சையில் உள்ளனர். சமீப காலமாக கொரோனா பாதிப்பை காட்டிலும் கொரோனாவில் இருந்து குணம் அடைந்தோரின் எண்ணிக்கை உயர்ந்து உள்ளது.
நேற்று ஒரே நாளில் 256 பேர் கொரோனா சிகிச்சை முடிந்து வீடு திரும்பினர்.