கொரோனா நிவாரண நிதிக்கு ரூ.10 லட்சம் மு.க.ஸ்டாலினிடம், நடிகர் தியாகராஜன் வழங்கினார்

சென்னை,

முதல்-அமைச்சர் மு.க.ஸ்டாலினை நேற்று சென்னை தலைமைச் செயலகத்தில், பிரபல நடிகர் தியாகராஜன், தனது மகனும், நடிகருமான பிரசாந்துடன் சந்தித்து, கொரோனா நிவாரணப் பணிகளுக்காக முதல்-அமைச்சரின் பொது நிவாரண நிதிக்கு ரூ.10 லட்சத்திற்கான காசோலையை வழங்கினார்.

இதேபோல், முன்னாள் எம்.எல்.ஏ. கோவை தங்கமும் முதல்-அமைச்சர் மு.க.ஸ்டாலினை சந்தித்து, கொரோனா நிவாரண பணிகளுக்காக முதல்-அமைச்சரின் பொது நிவாரண நிதிக்கு திரட்டிய ரூ.15 லட்சத்திற்கான காசோலையை வழங்கினார். அப்போது, ரெயில்வே தொழிற்சங்கத்தலைவர் ஞானசேகரன், நீலகிரி மாவட்ட முன்னாள் பஞ்சாயத்து தலைவர் சந்திரன், வக்கீல்கள் சிவசண்முகம், பிரபாகர் மற்றும் சி.ஏ.ராஜ்குமார், சி.வி.அருண் பிரகாஷ், சத்யா ஆகியோர் உடன் இருந்தனர்.