"மகளிர் உரிமைத்தொகை" மாதம் ரூ.1000 வரும் செப்டம்பர் 15 முதல் வழங்கப்படும்-தமிழ்நாடு பட்ஜெட் முழு விவரம்
'மகளிர் உரிமைத்தொகை' தகுதியான குடும்பத் தலைவிகளுக்கு மாதம் ₹1000 வரும் நிதியாண்டும் முதல் வழங்கப்படும் என நிதியமைச்சர் பழனிவேல் தியாகராஜன் அறிவித்து உள்ளார்.
ராணிப்பேட்டை, கள்ளக்குறிச்சியில் தோல் அல்லாத காலணி தொழிற்சாலைகள் அமைக்கப்படும்
இந்தியாவில் உற்பத்தியான மின்சார வாகனங்களில் 46 சதவீதம் தமிழ்நாட்டில் உற்பத்தி செய்யப்பட்டவை. பசுமை வாகன உற்பத்தியில் தமிழ்நாடு முதல் இடம்.
தமிழ்நாட்டில் சட்டம்-ஒழுங்கு சிறப்பாக உள்ளது. வெளிமாநில தொழிலாளர்களின் பாதுகாப்பு உறுதி செய்யப்பட்டுள்ளது. வதந்தி வீடியோ பரப்பிய சமூகவிரோதிகள் 11 பேர் மீது வழக்குப்பதிவு செய்யப்பட்டுள்ளது.
ஊராட்சி மற்றும் நகராட்சிகளில் அனைத்து அரசு துறை சேவை முகாம்கள் நடத்தப்படும்
முதல்-அமைச்சரின் முகவரி திட்டத்தின் மூலம் பெறப்பட்ட 17.7 லட்சம் மனுக்களில் 17.3 லட்சம் மனுக்களுக்கு தீர்வு காணப்பட்டுள்ளது.
ரூ.2 லட்சம் கோடி முதலீடுகள் பெறும் வகையில் 221 புரிந்துணர்வு ஒப்பந்தங்கள் போடப்பட்டுள்ளது
அரசு ஊழியர்களுக்கு வீடு கட்டும் முன்பணம் 40 லட்சத்தில் இருந்து 50 லட்சமாக உயர்த்தப்படுகிறது.
2030-ம் ஆண்டுக்குள் 14,500 மெகாவாட் திறன் கொண்ட புதிய மின் திட்டங்கள் செயல்படுத்தப்படும். மின்சாரத்துறையின் நிதி நிலை மேம்படுத்தப்படும்
இந்து சமய அறநிலையத்துறைக்கு சொந்தமான ஆக்கிரமிப்பு நிலங்கள் 4 ஆயிரம் கோடி ரூபாய் மதிப்புள்ள சொத்துக்கள் மீட்கப்பட்டுள்ளது.